Կրթության հիմքը հանդիսանում է տարրական դպրոցը: Այստեղ է դրվում գիտելիքների և իմացության հիմնաքարը:Այս առաքելությամբ է աշխատում մեր դպրոցի տարրական մեթոդմիավորումը, որը ղեկավարում է տարիների փորձ ունեցող Հասմիկ Ավետիսյանը:Նա սիրով է շարունակում իր ավագ գործընկերոջ, մատաղ սերնդի նվիրյալ Էմմա Ղարիբյանի փորձն ու գործը:
Որդեգրած անցյալի ձեռքբերումները` մեթոդմիավորման անդամները` Աննա Հովհաննիսյանը, Տաթևիկ Ադոնցը, Լուսինե Հովհաննիսյանը, Շողիկ Պողոսյանը, իրենց սերն ու նվիրումն են պարգևում մեր դպրոցի կրտսեր սաներին` նրանց հոգում բոցավառելով գիտելիքների անմար ջահը: Նրանք մայրական հոգատարությամբ սովորեցնում են հայոց գիրն ու տառը:

Բազում միջոցառումներ,նորովի կառուցված դասեր, ցերեկույթներ մեր նվիրյալ ուսուցիչների ջանքերով դառնում են առաջին ու կայուն աստիճանը` գիտելիքների բարձունքներ տանող:
Ի վերուստ մայրը դասվել է սրբերի շարքը և համարվել սրբության սրբոց: Գուցե սա է այն ակունքը, որ յուրաքանչյուր ժողովրդի հաղորդակցման լեզուն կոչվում է մայրենի:Իսկ մեզ` հայերիս համար մայրենին այն աստվածային պարգևն է, որով մենք անցանք հազարամյակների դաժան փորձություններով, պահեցինք մեր ազգային դիմագիծը: Հայոց լեզուն դարձավ հայ ժողովրդի գոյության առհավատչյան, զենքն ու ասպարը, գալիքի ճամփան լուսավորող փարոսը:
Հայոց լեզվի անխաթար պահպանման զինակիրները մայրենիի նվիրյալներն են, ովքեր աշակերտների հոգում լուսավառում են սեր հայոց լեզվի հանդեպ, նրանց տանում մեր հինավուրց ժողովրդի մշակույթի ակունքներ, կամրջում անցյալն ու ներկան:
Մեր դպրոցի մեթոդմիավորումը նախագահն է Հ.Խաչատրյանը, ով հմուտ մանկավարժ է, լավ ընկեր ու բարեկամ, մեծ հայրենասեր, և այդ ոգով էլ դաստիարակում է սաներին և ղեկավարում մ/մ: Անդամներ` Անահիտ Ավետիսյանը, Սոֆիա Գասպարյանը, Անահիտ Բաղդասարյանը , իրենց ջանքն ու եռանդն են նվիրում մեր սաներին` անմնացորդ նվիրումով դառնալով սիրո կամուրջ մայրենիի և աշակերտների միջև:
Հայոց լեզվի և գրականության մեթոդմիավորումը բոլոր ջանքերը գործադրում է, որ հիշյալ առարկաների ուսուցումը դարձնի հաղորդակցում, մշակույթի, արվեստի և մեր գրական մեծերի հետ: Այս ամենին հասնելուն օգնում են բազմերանգ միջոցառումները` ցերեկույթները, ասմունքի փառատոնները, գրական երկերի բեմականացումները, գրքերի քննարկումները, հանդիպումները մշակույթի և գրական գործիչների հետ:

Օտար լեզուների մեթոդմիավորումը, որ երկար տարիներ ղեկավարում է փորձառու ուսուցչուհի Նազանի Մովսիսյանը, մեթոդմիավորման անդամների Իրա Բեգլարյանի, Նաիրա Ղազարյանի, Սոֆյա Ղասաբյանի, Լիանա Շահումյանի հետ միասին բարձր հիմքերի վրա են դնում օտար լեզուների ուսուցումը, արթնացնում սեր այլ ժողովուդների մշակույթի, քաղաքակրթության հանդեպ:
Գործածվում են նոր մեթոդներ, կիրառում, դասավանդում խաղերի միջոցով` հագեցած դիդակտիկ նյութերով և տեխնիկայի գործածությամբ:
Օտար լեզվի ժամերը ոչ միայն գիտելիքների իմացության ժամեր են, այլև ճանապարհորդություն համաշխարհային գրականության ոլորտներում:
Մեթոդմիավորումը կազմակերպում է հետաքրքիր և բովանդակալից միջոցառումներ, սիրո և բարեկամության դասեր, որոնք նպաստում են երեխաների մոտ ձևավորելու ոչ միայն հայրենասիրություն, այլև սեր և հետաքրքրություն մյուս ժողովուրդների մշակույթի և գրականության հանդեպ:

Հայեցի դաստիարակության և ազգային արժեքների, հայրենասիրության ու ժողովրդասիրության դասերն է արծարծում ու ուսուցանում «Պատմության, աշխարհագրության և ռազմագիտության» մեթոդմիավորումը, որը ղեկավարում է խստապահանջ ուսուցչուհի Մարգարիտա Բադալյանը: Մեթոդմիավորման անդամները` Աիդա Անանյանը, Աղավնի Գրիգորյանը, զինղեկ Մարտին Խաչատրյանը, հիշյալ առարկաների դասավանդումը վերածում են քաղաքակիրթ անհատներ կրթելու դասերի, նրանց հոգիներում բոցավառում են սեր իրենց ժողովրդի անցած պատմության, ինչպես նաև` հարգանք այլ ժողովուրդների պատմության, մշակույթի հանդեպ:
Մեթոդմիավորման բոլոր անդամները ձգտում են դասաժամերը վերածել անցյալից ներկա ձգվող գեղեցիկ ճանապարհի, որը պետք է յուրաքանչյուրն անցնի զինված գիտելիքների և իմացության անհատնում պաշարով ու մեծագույն սիրով:
Այս ձեռքբերումները ոչ միայն դասապրոցեսում են, այլև դասերից դուրս զանազան հետաքրքիր ու գեղեցիկ միջոցառումների շնորհիվ, որոնք էլ ոչ միայն ավելի են հարստացնում գիտելիքները և մեծացնում հետաքրքրասիրությունը ինչպես հայ ժողովրդի, այնպես էլ ժողովուրդների պատմության հանդեպ:

Դպրոցի տարեգրության մեջ իր մեծ ներդրումն ունի «Մաթեմատիկա, ինֆորմատիկա և բնագիտական առարկաների» մեթոդմիավորումը: Մեթոդմիավորման աշխատանքները երկար տարիներ ղեկավարել է 50-ամյա մանկավարժական փորձ ունեցող վաստակավոր ուսուցչուհի Ռայա Կարապետյանը: Նրա կենսաթոշակի անցնելուց հետո մեթոդմիավորման աշխատաքների կազմակերպման գործը սիրով կատարել է Կարինե Հակոբյանը: Այժմ նվիրումով ու նոր եռանդով շարունակում է հին ավանդույթները` գրելով նոր, ուրույն ձեռագրով Ռուզաննա Ստեփանյանը: Մեթոդմիավորումը ոչ միայն նպաստում է խոր և կայուն գիտելիքների ձեռքբերմանը, այլև զարգացնում սովորողների տրամաբանությունը, բացում գիտության և տեխնիկայի նվաճումների ճանապարհը: Մեթոդմիավորման անդամները` Աստղիկ Դավիթավյանը, Ռուզաննա Ստեփանյանը, Սվետլանա Սահակյանը, Անահիտ Բաղդասարյանը, Գոհար Պապյանը, Մարիամ Գրիգորյանը, Նաիրա Բադալյանը, Դոնարա Սարգսյանը, գործադրում են իրենց ջանքերը,սրտացավությունը դասը գեղեցիկ, բովանդակալից և հետաքրքիր դարձնելու համար: Մեթոդմիավորման անդամները դասը վարում են ժամանակակից մեթոդներով` զուգակցելով ավանդական մեթոդներին: Մեթոդմիավորումը կազմակերպում է վիկտորինաներ, բաց դասեր, գեղեցիկ միջոցառումներ`

Այս դժվարին խնդիրները մեր դպրոցում իրագործում են տեխնոլոգիայի ուսուցիչներ Աստղիկ Աղեկյանը և Մուրադ Մուրադյանը: Նրանք աշակերտներին օժտում են աշխատասիրությամբ, օգնում ձեռք բերելու վարպետություն` աշխատանքի արդյունքը վերածելով արվեստի: Տեխնոլոգիայի ժամերը դեպի արհեստ տանող ուղիղ ճանապարհն են:
Աշխատանքի հանդեպ սերը պետք է սերմանել վաղ մանկության տարիներին: Դպրոցում բարձր հիմքերի վրա դրված տեխնոլոգիայի ուսուցումը աշակերտների շրջանում դաստիարակում է աշխատասիրություն, օգնում կողմնորոշվելու մասնագիտության ընտրության հարցերում: Տեխնոլոգիայի ուսուցումը ձևավորում է վարպետություն, ստեղծելու, արարելու կարողություն և սեր արհեստի նկատմամբ:

Դպրոցում բարձր հիմքերի վրա է նաև ֆիզիկական կուլտուրայի դասավանդումը: Հավատարիմ «Առողջ հոգին առողջ մարմնում» սկզբունքին` մեր ուսուցիչներ Մարգարիտա Մանուկյանը և Սամվել Բագրատյանը ֆիզկուլտուրայի դասերը վերածում են առողջ ապրելակերպի. մարզվել, կոփվել, թոթափել հոգնությունը և ձգտել դառնալու լավագույն մարզիկներ:Լավ մարզիկը մեծ հայրենասեր է ու լավ մարդ:

Գեղեցիկի, արվեստի, մշակույթի հանդեպ սիրո և գեղագիտության ձևավորումը ծանրացած է երաժշտության ուսուցչի ուսերին: Նա է աշակերտների հոգում ձևավորում աշխարհը, բնությունը, երաժշտության` հոգի գերող մեղեդիներով տեսնելու ունակություն: Կոմիտասի անվան երաժշտանոցի սան, դպրոցի երաժշտության երիտասարդ ուսուցչուհի Լիլիթ Ծերունյանը իր բոլոր ջանքերը գորÍադրում է` դասաժամերը գեղեցիկի, հոգին ազնվացնող հրաշք ակնթարթների վերածելու: Նրա ջանքերով կազմակերպում են զանազան թեմաներով ` հայրենասիարական, գեղագիտական, ճաշակ ձևավորող, հոբելյանական միջոցառումներ: Լիլիթ Արսենովնան ղեկավարում է երգչախումբը և հանդիսանում դպրոցի օրհներգի հեղինակը: